K) Infiernos mendigunea

Infierno mendietako hiru gailurrek (3.082, 3.073 eta 3.076 m) eta Arnales mendiak (3.006 m) beren isurialdeetan hartu dituzte mendiguneko hiru aparatu glaziar nagusiak: Infierno Ekialdekoa, Erdikoa eta Mendebaldekoa.

Beste gailur multzo bat Garmo Negro (3.051 m), Argüalas (3.046 m) eta Algas (3.026 m) mendiek osatzen dute. Nahiz eta gaur egun ez duten aparatu glaziarrik, Argüalas eta Algas glaziar harritsuen aztarnak gordetzen dituzte.

3.000 metroko altuera gainditzen ez duten gailurren artean, nabarmentzekoak dira Punta Zarra (2.947 m) eta Gaurier mendia (2.918 m).

Izotz Aro Txikian, mendigune honek 4 aparatu glaziar zituen, eta guztira 45,5 hektareako azalera hartzen zuten. Horrek hamarrren postuan kokatu zuen izotz-azalerari dagokionez, eta mendikateko izotzaren %2 ordezkatzen zuen.

1982 eta 1985 artean, 4 aparatu erregistratu ziren: 2 glaziar gisa sailkatu ziren eta beste 2 helero gisa. Gaur egun, Infierno Erdialdeko Glaziarra da jarduera apur bat mantentzen duen bakarra. Gainerako mendiguneekin bat etorriz, azken 175 urteetan kalkulatzen da glaziar-izotzaren azalera %93 murriztu dela. Gaur egun, 3,2 hektareako azalera du, Infierno Erdialdeko Glaziarrari dagokiona. Honek Infierno mendigunea zortzigarren postuan kokatzen du glaziar-azalerari dagokionez, mendikateko izotz glaziarraren %2,5 inguru ordezkatuz.